पुणे: महाराष्ट्र असोसिएशन ऑफ स्कूल ऑफ आर्किटेक्चर (MASA ) या संस्थे अंतर्गत आर्किटेक्चरमधील शैक्षणिक प्रक्रियांच्या सुधारणेसाठी व शिक्षकांना प्रोत्साहित करण्यासाठी दरवर्षी एमएएसए वार्षिक अधिवेशन भरवते आणि या अधिवेशनात विशेषतः . शिक्षकांच्या योगदानाचे कौतुक आणि त्यांना प्रोत्साहन देण्यासाठी सर्वोत्कृष्ट शिक्षक पुरस्कार प्रदान करते २००७ पासून हा पुरस्कार सुरू करण्यात आला असून मासा कन्व्हेन्शन ‘शोकेस २०२१ मध्ये एसएमईएफच्या ब्रिक स्कूल ऑफ आर्किटेक्चरने तीन प्रतिष्ठित पुरस्कार मिळवले.
एसएमईएफच्या ब्रिक स्कूल ऑफ आर्किटेक्चरने जिंकलेल्या ३ पुरस्कारांपैकी दोन सर्वोत्कृष्ट शिक्षक पुरस्कार श्रेणीमध्ये होते. पहिला पुरस्कार हा ई-कंटेंट क्रिएशनसाठी सर्वोत्कृष्ट शिक्षक पुरस्कार २०२१ आर्किटेक्ट सुधीर देशपांडे यांना देण्यात आला. हा पुरस्कार ऑनलाईन शिक्षण संदर्भात आणि ऑनलाइन माध्यमात इमर्सिव्ह कंटेंट तयार करण्याची गरज या विषयी देण्यात आला.तर दुसरा पुरस्कार हा आर्किटेक्ट श्रद्धा माहोरे मांजरेकर यांना तंत्रज्ञानासाठी प्रदान करण्यात आला. प्रा.मांजरेकर यांनी तंत्रज्ञान विषयात नावीन्य आणले आहे .
तिसरा पुरस्कार हा ऑनलाइन प्रदर्शनाचा एक भाग होता ज्यामध्ये शैक्षणिक वर्ष २०२०-२१ साठी संपूर्ण महाराष्ट्रातील महाविद्यालयांमधून निवडक, सर्वोत्कृष्ट विद्यार्थी उत्पादन प्रदर्शित केले गेले. एसएमईएफच्या ब्रिक स्कूल ऑफ आर्किटेक्चरने तंत्रज्ञान प्रयोगशाळेसाठी प्रथम स्थान पटकावले. ब्रिक स्कूल च्या टेक्नॉलॉजी लॅबच्या अनुषंगाने शिक्षणात संशोधनाची क्षमता विकसित करणे, नवनिर्मिती करणे आणि जागतिक स्तरावर चालू असलेल्या तांत्रिक बदलांशी जुळवून घेणे तसेच कार्यक्षमता आणि सौंदर्यविषयक आवश्यकतांसह पर्यावरणाच्या गरजांच्या संदर्भात शाश्वत बांधकामासाठी योग्य संरचनात्मक प्रणाली समजून घेण्यावर देखील भर आहे.
आर्किटेक्चरल डिझाईनसाठी MASA सर्वोत्कृष्ट शिक्षक पुरस्कार २०१९ आर्किटेक्ट दिव्या मल्लवरापूला प्रदान करण्यात आला. ती २०१४ पासून ब्रिकचा भाग आहे आणि २०१६ पासून द्वितीय वर्षाच्या डिझाईन स्टुडिओचा भाग आहे. या वर्षांत तिने विद्यार्थ्यांनी डिझाईन प्रक्रिया कशी आत्मसात केली याचा शोध घेतला आणि प्रक्रिया सोपी आणि आनंददायक करण्याचा प्रयत्न केला.
ब्रिक येथील टेक्नॉलॉजी लॅबच्या मुख्य कार्यसंघामध्ये आर्किटेक्ट मनाली देशमुख, आर्किटेक्ट हेमंत जोशी, आर्किटेक्ट अभंग कांबळे, आर्किटेक्ट सुधीर देशपांडे, आर्किटेक्ट अनुरक्ती यादव, आर्किटेक्ट जया देशमुख, आर्किटेक्ट अनुराधा वणस्कर, आर्किटेक्ट गुरुदत्त इंगळे, आर्किटेक्ट नुपूर रुग्वेदी, आर्किटेक्ट कांचन शिंदे. व्हिजिटिंग फॅकल्टी आर्किटेक्ट स्वाती वैद्य, आर्किटेक्ट सुमेध गेटे, आर्किटेक्ट राजदत्त, आणि आर्किटेक्ट भावना गायकवाड समाविष्ट होते .
